სამთვიანი პაუზის შემდეგ, შეერთებულ შტატებში კინოთეატრები გახსნას გეგმავენ. ისინი მომხმარებლის შეზღუდული რაოდენობის, მხოლოდ 25 პროცენტის მიღებას შეძლებენ.
„ეი-ემ-სი თეატრები“, რომელიც ქვეყანაში ყველაზე დიდი კინოთეატრების კომპანიაა, აცხადებს რომ ივლისის შუა რიცხვებამდე მათი კინოთეატრების 97-98 პროცენს გახსნიან. თუმცა, კინოთეატრებისთვის პრობლემა ისიცაა, რომ კორონავირუსის პანდემიის გამო ბევრი ფილმის წარმოება და ახალი ფილმების გამოსვლის თარიღები გადაიდო.
კიდევ ერთი საკითხი ისიცაა, თუ რამდენად იგრძნობს მომხმარებელი თავს დაცულად და გადაწვეტს, თუ არა კინოთეატრში წასვლას. ჯანდაცვის სპეციალისტები აცხადებენ, რომ დახურულ სივრცეში შეკრება რისკებს შეიცავს.
კორონავირუსის შეზღუდვებს კინოთეატრებზე მნიშვნელოვანი გავლენა ქონდა. კომპანიებს ათიათასობით ადამიანის სამსახურიდან გაშვება მოუწიათ. უფრო მეტი პოპულარობა შეიძინა კინოთეატრებმა ღია ცის ქვეშ.
აშშ-ს შტატების ნაწილმა მხოლოდ ახლა დაიწყო კინოთეატრების გახსნისთვის ნებართვის მიცემა და სხვადასხვა შტატში გახსნა სხვადასხვა დროს მოხდება.
Facebook Forum