კვირას ტაჯიკეთში სამხედრო ავტოკოლონაზე განხორციელებული თავდასხმისთვის პასუხისმგებლობა აიღო ალ ყაიდასთან დაკავშირებულმა უზბეკეთის ისლამურმა მოძრაობამ. შეგახსენებთ, რომ თავდასხმისას 28 ჯარისკაცი დაიღუპა.
ტერორისტული ჯგუფის წარმომადგენელმა ვიდეო მიმართვა რადიო თავისუფლებას გაუგზავნა.
ჯგუფის წარმომადგენელმა აღნიშნა, რომ ეს თავდასხმა წარმოადგენდა საპასუხო რეაქციას ტაჯიკეთის მთავრობის მოქმედებებზე ისლამის წინააღმდეგ. მიმართვაში ასევე ნახსენებია მთავრობის მიერ მეჩეთების დახურვა, მუსლიმების დაპატიმრება და ქალების მიერ მუსლიმანური სამოსის ტარების აკრძალვა.