სირიაში შეტაკებები გრძელდება

სირიის ოპოზიციის განცხადებით, დამასკოში სამთავრობო ძალებსა და მეამბოხეებს შორის რამდენიმე შეტაკება მოხდა.

ქალაქ პალმეირაში კი მანქანაში დამაგრებული რამდენიმე ბომბი აფეთქდა. ოპოზიციის განცადებით აფეთქება სირიის უშიშროების სამსახურის ბაზასთან მოხდა, რომლის დროსაც სულ ცოტა 12 ოფიცერი დაიღუპა.

სირიის სახელმწიფო მედიამ განსხვავებული ინფორმაცია გაავრცელა, რომლის მიხედვით თვითმკვლელმა ტერორისტებმა დასახლებულ უბანში მოაწყვეს აფეთქება.

გაეროს მონაცემებით სირიის სამოქალაქო ომში 60 000 ადამიანი დაიღუპა.