მანიფესტაციები საბერძნეთსა და ესპანეთში

საბერძნეთის და ესპანეთის ლიდერები მკაცრი პოლიტიკის გატარებას ცდილობენ მძაფრი საბიუჯეტო კრიზისის ფონზე, მაშინ როდესაც ამ ქვეყნებში მთავრობის ეკონომიკური პოლიტიკის წინააღმდეგ საპროტესტო აქციები გრძელდება.

საბერძნეთის სამპარტიანი კოალიციური მთავრობა საპენსიო ასაკის 65-დან 67 წლამდე გაზრდას გეგმავს.

მადრიდში პარლამენტის წინ შეკრებილი მანიფესტანტები პრემიერ მინისტრ მარიანო რახოის გადადგომას მოითხოვენ. სამშაბათს პოლიციასა და დემონსტრანტებს შორის მცირედი შეხლა-შემოხლაც მოხდა.

ესპანეთის ფინანსთა მინისტრის განცხადებით, ქვეყანა, სადაც მოსახლეობის 25 პროცენტი უმუშევარია, კიდევ უფრო ეფლობა რეცესიის ჭაობში.