პაკისტანში არჩევნების თარიღი შეიცვალა

პაკისტანის უზენაესმა სასამართლომ ცენტრალურ საარჩევნო კომისიას გადაწყვეტილება გაუგზავნა, რომლის თანახმადაც საპრეზიდენტო არჩევნები 6 აგვისტოს ნაცვლად 30 ივლისს უნდა გაიმართოს.

კომისია სასამართლოს გადაწყვეტილებას დააკმაყოფილებს.

პაკისტანში პრეზიდენტს სენატი, ეროვნული ასამბლეა და ქვეყნის ოთხი პროვინციის ასამბლეები ირჩევს.

არჩევნების 6 აგვისოს გამართვა კანონმდებლების დიდ ნაწილს არჩევნებში ხმის მიცემაში ხელს შეუშლიდა, რადგან რამადანის გამო ისინი სამსახურეობრივ მოვალეობას ვერ შეასრულებდნენ.

პრეზიდენტ ასიფ ალი ზარდარის საპრეზიდენტო ვადა სექტემბერში გასდის. მან გადაწყვიტა, რომ მეორე ვადაზე კენჭი არ იყაროს.