ბიუჯეტის ავტომატური შეკვეცის ათვლის დრო დაიწყო

შეერთებულ შტატებში ბიუჯეტის ავტომატური შეკვეცის ათვლის დრო დაიწყო, თუმცა დემოკრატები და რესპუბლიკელები სეკვესტრის თემაზე კვლავაც ვერ თანხმდებიან. შეკვეცები ხვალ დილიდან დაიწყება.

ხვალ პრეზიდენტი ობამა კონგრესის ლიდერებს შეხვდება. თეთრი სახლის განცხადებით, მათ შორის კონსტრუქციული დისკუსიები შედგება,რაც ავტომატურ შეკვეცებს შეეხება.

პრეზიდენტი ობამა აცხადებს, რომ სეკვესტრი ეკონომიკის და სამხედრო სფეროებს დააზარალებს და ათასობით საშუალო ამერიკელს უმუშევარს დატოვებს.

რესპუბლიკელთა უმეტესობა ეწინააღმდეგება პრეზიდენტ ობამას წინადადებას მაღალშემოსავლიან ამერიკელებს გადასახადები დაეზარდოთ. მათი აზრით, შეკვეცა ძირითადად სამთავრობო ხარჯებზე უნდა მოხდეს.