სეკვესტრამდე რამდენიმე დღე რჩება

პრეზიდენტი ობამა კონგრესს მოუწოდებს შეაჩეროს 1,2 ტრილიონი დოლარის ავტომატური სეკვესტრი, რომელიც 1 მარტიდან უნდა შევიდეს ძალაში.
ბარაკ ობამას მტკიცებით, რესპუბლიკელთა მხრიდან მცირე კომპრომისი ამერიკას თავიდან ააცილებს ბიუჯეტის შეკვეცას, რომელიც უამრავ ადამიანს დააზარალებს და საფრთხეს შეუქმნის ქვეყნის თავდაცვისუნარიანობას.

პრეზიდენტის განცხადებით, როგორც ჩანს რესპუბლიკელმა კონგრესმენებმა გადაწყვიტეს მდიდარი ამერიკელების ინტერესები დაიცვან და ეკონომიკური კრიზისი საშუალო კლასზე გადაატარონ.