ნატოს გენერალური მდივანი ჯენს სტოლტენგბერგი ვაშინგტონს ოფიციალური ვიზიტით ეწვია. საერთაშორისო და სტრატეგიული კვლევების ცენტრში სიტყვით გამოსვლისას მან საქართველოსა და ნატოს შორის არსებულ პარტნიორობაზე და სამომავლო გეგმებზე ისაუბრა:
მე ბუქარესტის სამიტს ვესწერებოდი 2008 წელს, როცა ალიანსმა საქართველოზე გადაწყვეტილება მიიღო. ამ გადაწყვეტილების გამეორება უწყვეტად ხდება. ბოლოს ის უკანასკნელ სამიტზე უელსშიც გავიმეორეთ. თუმცა, ბოლო სამიტზე ისიც გადავწყვიტეთ, რომ პირველ რიგში მონტენეგროს გაწევრიანების საკითხი იქნება განხილული, რაც, სავარაუდოდ, წლის ბოლომდე მოხდება.ჯენს სტოლტენბერგი
"საქართველოსთან ძალიან ახლო პარტნიორობა გვაქვს. ამ ეტაპზე ვახორციელებთ ძირითად პაკეტს, რაც ჩვენს შორის პარტნიორობას კიდევ უფრო აღრმავებს. ასევე ვართ სასწავლო ცენტრის ჩამოყალიბების პროცესში. საქართველოსთვის ეს ძალიან მნიშვნელოვანია. ჩვენ ასევე ვეხმარებით საქართველოს თავდაცვის შესაძლებლობის გაძლიერებაში, რაც კარგია არა მხოლოდ საქართველოს თავდაცვისუნარიანობის გაუმჯობესებისთვის, არამედ მთელი რეგიონის სტაბილურობისთვის."
ალიანსში საქართველოს გაწევრიანებაზე საუბრისას, გენერალურმა მდივანმა 2008 წლის ბუქარესტის სამიტი გაიხსენა და თქვა, რომ ალიანსი მაშინ მიღებულ გადაწყვეტილების ერთგული რჩება, თუმცა ნატოს გაფართოების შემდეგ ეტაპზე მან პრიორიტეტულ ქვეყანად მონტენეგრო დაასახელა.
"როდესაც საქმე ეხება ალიანსში გაწევრიანებას, იმაზე მეტს ვერაფერს ვიტყვი, რაც აქამდე არაერთხელ თქმულა. მე ბუქარესტის სამიტს ვესწერებოდი 2008 წელს, როცა ალიანსმა საქართველოზე გადაწყვეტილება მიიღო. ამ გადაწყვეტილების გამეორება უწყვეტად ხდება. ბოლოს ის უკანასკნელ სამიტზე უელსშიც გავიმეორეთ. თუმცა, ბოლო სამიტზე ისიც გადავწყვიტეთ, რომ პირველ რიგში მონტენეგროს გაწევრიანების საკითხი იქნება განხილული, რაც, სავარაუდოდ, წლის ბოლომდე მოხდება."
სტოლტენბერგის თქმით, ის აფასებს საქართველოს ნატოს ოპერაციებში მონაწილეობას. ამასთან მან დასძინა, რომ ალიანსსა და საქართველოს შორის ურთიერთობა უფრო მეტად უნდა განვითარდეს.
მან ალიანსის რუსეთთან ურთიერთობაზეც ისაუბრა და თქვა, რომ მოსკოვმა პატივი უნდა სცეს მეზობლების სუვერენიტეტს:
"ჩვენ რუსეთთან კონფრონტაცია არ გვინდა. ასევე არ გვსურს რუსეთის იზოლირება. ჩვენ რუსეთთან კონსტუქციული ურთითეობა გვინდა. ეს ხელს შეუწყობს ევრო-ატლანტიკურ უსაფრთხოებას. მაგრამ რუსეთი შეიცვალა და ჩვენ ცვლილებას ფეხი უნდა ავუბათ. ამ პროცესში ჩვენ არ შევიცვლებით და ჩვენი პრინციპების დაცვას გავაგრძელებთ.
"ალიანსი გაარძლებს პარტნიორ ქვეყნებთან თანამშრომლობას. ამ მიზნით, ვეხმარებით საქართველოს, მოლდოვას და უკრაინას რეფორმების გატარებისა და ინსტიტუტების გაძლიერების პროცესში. ეს ქვეყნები არ წარმოადგენენ ბუფერულ ზონას. ისინი დამოუკიდებელი, სუვერენული სახელმწიფოებია, რომლებსაც საკუთარი გზის არჩევის უფლება აქვთ. ჩვენ გავაგრძელებთ მათ დახმარებას - რაც უფრო სტაბილურია ჩვენს გარშემო სამეზობლო, მით უფრო დაცულები ვართ ჩვენ."
გენერალური მდივნის ვიზიტი ვაშინგტონში ორი ფაქტორის გამო იყო მნიშვნელოვანი. რამდენიმე თვის წინ ვაშინგტონში ვიზიტის დროს პრეზიდენტ ობამასა და სტოლტენბერგს შორის ვიზიტი არ შედგა, რამაც ობამას ადმინისტრაციის მიმართ მკაცრი კრიტიკა გამოიწვია. ამ ვიზიტზე შეხვედრა შედგა. მეორე ფაქტორი სტოლტენბერგის განცხადება იყო იმასთან დაკავშირებით, რომ ნატოს ნერბისმიერ წევრზე კიბერ თავდასხმას ალიანსის მიერ მეხუთე მუხლის ამოქმედება მოჰყვება.
