ლატვიის პრეზიდენტმა გამოაცხადა, რომ ახალ მთავრობას ვლადის დუმბროვსკი უხელმძღვანელებს. დუმბროვსკი აქამდე ქვეყნის პრემიერ მინისტრი იყო. ლატვიაში ახალი ხელისუფლების მოსვლასთან ერთად, ქვეყნის რეცესიიდან გამოყვანის მიზნით, ბიუჯეტის მკვეთრად შეკვეცაა მოსალოდნელი.
39 წლის დუმბროვსკი ბლოკი ერთიანობის ხელმძღვანელი იყო. ბლოკმა გასულ თვეს ჩატარებულ საპარლამენტო არჩევნებში 100 მანდატიან პარლამენტში 33 ადგილით უმრავლესობა მოიპოვა.
პრეზიდენტი ვლადის ზატლერსის თქმით, პარლამენტისა და ახალი მთავრობის თანამშრომლობა აუცილებელი პირობა იქნება ლატვიის უმძიმესი რეცესიიდან გამოსაყვანად. ქვეყნის ეკონომიკა გასულ წელს 18 პროცენტით შეიკუმშა.