შორი რადიუსის მოქმედების რაკეტის გამოცდა გადაიდო

ჩრდილოეთ კორეამ შორი რადიუსის მოქმედების რაკეტის გამოცდა გადადო ახალი ტექნიკური პრობლემების წარმოქმნის გამო.

სამხრეთ კორეის ახალი ამბების სააგენტოს განცხადებით, ხელოვნური თანამგზავრიდან გადაღებულ ფოტოებზე კარგად ჩანს, როგორ გადაიყვანეს რაკეტა სასტარტო პოზიციიდან შემკეთებელ საამქროში. როგორც ამერიკის ჰერითიჯის ფონდის ექსპერტი ბრუს კლინგერი აცხადებს:

“თუ რაკეტის გამოცდამ წარმატებით ჩაირა ეს დიდი საფრთხე იქნება საერთაშორისო საზოგადოებისთვის, მაგრამ მისი წარუმატებლობის შემთვევაშიც არ გვექნება დამშვიდების უფლება, რადგან წარსულში შეერთებულ შტატებშიც არაერთხელ მომხდარა რაკეტების წარუმატებელი გამოცდა.“