ჩინეთის მზარდი ძალაუფლება

სექტემბრის შემდეგ იაპონია-ჩინეთის ურთიერთობები გაუარესების გზაზეა, განსაკუთრებით მას შემდეგ, რაც ტოკიომ აღმოსავლეთ ჩინეთის ზღვაში არსებული კუნძულების ნაციონალიზაცია მოახდინა. სახელმწიფოთაშორისო დავა ამ კუნძულებთან დაკავშირებით ორ ქვეყანას შორის ათწლეულებია გრძელდება.

პეკინის რეაქცია უარყოფითი იყო. ჩინეთის ხელისუფლებამ კუნძულების შორიახლოს პატრულირების მიზნით რეგულარული სამთავრობო გემების გაგზავნა დაიწყო, რაც დამკვირვებლების აზრით, ტერიტორიის დე-ფაქტო კონტროლისკენაა მიმართული.