აფეთქებები ერაყში

ერაყის ხელისუფლების განცხადებით, ქვეყნის რამდენიმე ქალაქში მომხდარი აფეთქებების შედეგად სულ ცოტა 38 ადამიანი დაიღუპა და ასზე მეტი დაიჭრა.

რამდენიმე აფეთქება ერთმანეთის მიყოლებით განხორციელდა ქალაქ ჰილაში. კიდევ ერთი აფეთქება შიიტების წმინდა ქალაქ ქარბალაში მოხდა.

ორი დღის წინ ბაღდადში შიიტების მსვლელობა ააფეთქეს, რომლის დროსაც სულ ცოტა 12 ადამიანი დაიღუპა.

სუნიტი ექსტრემისტების მიერ ორგანიზებული ტერაქტები შიიტების წინააღმდეგ არის მიმართული, რომლებიც ამ დღეებში აშურას რელიგიურ დღესასწაულს აღნიშნავენ.