გამოძიების ფედერალური ბიუროს ყოფილი აგენტის შვილი, ტრამპის ადმინისტრაციას სთხოვს თეირანი „გამუდმებით შეაწუხოს“, რათა მამამისის ადგილმდებარეობა დაადგინონ. ბიუროს ყოფილი აგენტი ირანში 10 წლის წინ გაუჩინარდა და მის შვილს სჯერა, რომ ის კიდევ ცოცხალია.
„ვაშინგტონ პოსტში“ გამოქვეყნებულ სტატიაში დანიელ ლევინსონი წერს, რომ თუ ირანი მოთხოვნაზე რეაგირებას არ მოახდენს, პრეზიდენტმა დონალდ ტრამპმა ამ ქვეყანას სანქციები უნდა დაუწესოს, ან ირანის რევოლუციური გვარდია ტერორისტულ ორგანიზაციად გამოაცხადოს.