საერთაშორისო თანამეგობრობა ირანს მოქმედებისკენ მოუწოდებს

ირანის წარმომადგენლები სამშაბათს ყაზახეთში ამერიკის, ბრიტანეთის, საფრანგეთის, რუსეთის, ჩინეთისა და გერმანიის ბირთვულ მომლაპარაკებლებს შეხვდებიან. საერთაშორისო თანამეგობრობის ეს ექვსი წარმომადგენელი ირანს "კონკრეტული ნაბიჯების გადადგმისკენ" მოუწოდებს ბირთვული პროგრამის შესამოწმებლად ქვეყანაში საერთაშორისო დამკვირვებლების შესაშვებად.

ამერიკის განცხადებით, ირანის მიერ ურანის გასამდიდრებელი ცენტრიფუგების დამონტაჟება მორიგი "პროვოკაციული ნაბიჯი" იყო. მიუხედავად ამისა, ამერიკის სახემლწიფო დეპარტამენტის წარმომადგენელი ვიქტორია ნულანდის განცხადებით, ირანს ჯერ ისევ აქვს შესაძლებლობა "დიპლომატიური გზით" გააგრძელოს მოლაპარაკებები.