ლაქდარ ბრაჰიმი სირიის ოპოზიციას მიმართავს

საერთაშორისო თანამეგობრობის ელჩი ლაქდარ ბრაჰიმი სირიის დანაწევრებულ ოპოზიციას სამშვიდობო კონფერენციაზე დასწრებისკენ მოუწოდებს.
დღეს დამასკოში სიტყვით გამოსვლისას ბრაჰიმმა აღნიშნა, რომ ჟენევაში გადადებული სამშვიდობო მოლაპარაკების დაწყება მეამბოხეთა გარეშე შეუძლებელია.

„სირიის მთავრობა კონფერენციაზე დასაწრებად მზადაა. ოპოზიციამ და კოალიციის ზოგიერთმა პარტიამ კი დანამდვილებით არ იცის, თუ რა სახით წარსდგება ჟენევის კონფერენციაზე.“

სირიელი მეამბოხეები აცხადებენ, რომ ჟენევის კონფერენციას მანამ არ დაესწრებიან, ვიდრე პრეზიდენტი ბაშარ ალ ასადი თანამდებობიდან არ გადადგება.

ჟენევის კონფერენცია ნოემბრის ბოლოს გაიმართება. ლაქდარ ბრაჰიმის იმედი აქვს, რომ მანამდე ეს საკითხი დადებითად გადაწყდება.