პაკისტანი ამერიკული დრონების ოპერაციებს გმობს

პაკისტანის დაზვერვის წარმაოდგენელთა განცხადებით, ჩრდილოეთ პაკისტანში ამერიკული დრონის იერიშის შედეგად სულ ცოტა ერთი მეამბოხე დაიღუპა.

ინციდენტი პარასკევს, ჩრდილოეთ ვაზირისტანში ავღანეთის საზღვართან მოხდა. ეს ტერიტორია თალიბების და ალ ყაიდას მეამბოხეთა ერთ-ერთი დასაყრდენი ადგილია.

პაკისტანი საჯაროდ გმობს დრონების მოქმედებას და შეერთებულ შტატებს ოპერაციების შეწყვეტისკენ მოუწოდებს. პაკისტანის განცხადებით, მსგავსი კამპანია არა მარტო ქვეყნის სუვერენიტეტს ლახავს, არამედ რეგიონში სამხედრო დაძაბულობის გაღვივებასაც უწყობს ხელს.