ექსტრემალური სმოგი ჩინეთში

პეკინში დღეს ექსტრემალური სმოგია გამოცხადებული. ხელისუფლება მოსახლეობას აფრთხილებს შენობებში დარჩეს და თავი შეიკავოს ქუჩაში გასვლისგან.

ჩინეთის დედაქალაქის მუნიციპალურმა სამსახურებმა გაფრთხილებაში განსაკუთრებული ყურადღება ხანდაზმულებს, ბავშვებს და ავად მყოფ ადამიანებს დაუთმეს.

პეკინის მუნიციპალიტეტის ეკოლოგიური ცენტრის განცხადებით, ჰაერში დამბინძურებელი ელემენტების რაოდენობა ოთხჯერ აღემატება დასაშვებ მაქსიმალურ ზღვარს. ცენტრის განცხადებით, ეს ჰაერის დაბინძურების რეკორდული მაჩვენებელია პეკინში.