ჩინეთში ახალი პრემიერი აირჩიეს

ჩინეთის პარლამენტმა ქვეყნის პრემიერ-მინისტრის თანამდებობაზე ლი კიქიანი აირჩია.

ჩინეთის სახალხო ყრილობის გადაწყვეტილებით ინგლისურის მცოდნე ლი ამ პოსტზე ვენ ჟიბაოს შეცვლის. 57 წლის პრემიერი ჩინეთის ეკონომიკის განვითარებაზე იქნება პასუხისმგებელი.

ჩინეთის სახალხო ყრილობამ კომუნისტური პარტიის გენერალური მდივანი სი ძინპინი ქვეყნის პრეზიდენტად აირჩია. ახალი ლიდერები ჩინეთს მომავალი 10 წლის განმავლობაში უხელმძღვანელებენ.