ავღანეთის პრეზიდენტმა ჰამიდ კარზაიმ რამადანის დასასრული გამოიყენა და თალიბებს მიმართა.
დღეს, საპრეზიდენტო სასახლეში გამოსვლისას, კარზაიმ თალიბ ლიდერ მულა ომარს მოუწოდა დაასრულოს ძალადობა და სამშვიდობო პროცესს შეუერთდეს.
შეგახსენებთ, რომ თალიბების ლიდერმა მულა ომარმა ცოტა ხნის წინ იდ ალ ფიტრის აღსანიშნავად გაკეთებულ განცხადებაში აღნიშნა, რომ მისი მებრძოლები სულ მალე ავღანეთიდან უცხოური ძალების გაძევებას იზეიმებდნენ.