ამ თემაზე ჩვენი სტუმარი თბილისის სახელმწიფო უნივერსიტეტის პროფესორი, ეკონომისტი ქალბატონი ია ნაცვლიშვილი საუბრობს. მისი თქმით საქართველოში საგანმანათლებლო პროგრამების ბიზნესის სფეროში ევროპულ სტანდარტებთან შესაბამისობის მიმართულებით რამოდენიმე ინდიკატორი გამოიყოფა: ეს არის დახელოვნებული სამუშაო ძალა, ფინანსური უნარები, საერთაშორისო გამოცდილება და კომპეტენტური უფროსი მენეჯერები. თუ რადენად პასუხობს დღეს საქართველოში არსებული ბიზნესის საგანმანათლებლო პროგრამები ამ უნარების გამომუშავებას, რომელიც საქართველოში შრომის ბაზრის მახასიათებლებს კონკურენტუნარიანად აქცევს თანამედროვე მსოფლიოში, ამის მიხედვით შეიძლება ჩვენ შევაფასოთ დღეს საქართველოში არსებული ბიზნესის საგანმანათლებლო პროგრამები. მისივე თქმით საქართველოში ბიზნეს-განათლების გაუმჯობესებისათვის უპრიანი იქნებოდა სასწავლო პროგრამების პროფილისა და კომპეტენციების უფრო დახვეწა და განსაზღვრა , სტუდენტთა დატვირთვის ადეკვატური განსაზღვრა და ხარისხის მუდმივი უზრუნველყოფა.
რამდენად პასუხობს საქართველოს საგანმანათლებლო პროგრამები ბიზნესის სფეროში ევროპულ სტანდარტებს?
