ბრაზილია ვალის რესტრუქტურიზაციაზე საუბრობს

ბრაზილიის მთავრობა აცხადებს, რომ აფრიკის 12 სახელმწიფოსთვის გაცემული თითქმის 900 მილიონი დოლარის ოდენობის სესხის რესტრუქტურიზაციის შესაძლებლობას განიხილავს.

ეს განცხადება ბრაზილიის პრეზიდენტმა ადის აბებაში აფრიკის კავშირის სამიტზე გააკეთა.

ვალის რესტრუქტურიზაცია ბრაზილიის მთავრობის მიერ დაწყებული პროგრამის ნაწილია, რომლის დანიშნულებაც ღარიბ ქვეყნებში ინფრასტურქტურის აშენება და სოციალური პროგრამების დაწყებაა.

ბრაზილიას მსოფლიოში ერთ-ერთი უმსხვილესი ეკონომიკა აქვს. ქვეყნის მთლიანი შიდა პროდუქტი 2.4 ტრილიონი დოლარია.