თალიბანი საპრეზიდენტო არჩევნების „სრული უარყოფისკენ“ მოუწოდებს

ვაშინგტონი —  თალიბანმა ავღანელები მომავალ საპრეზიდენტო არჩევნებში მონაწილეობის წინააღმდეგ გააფრთხილა და კენჭისყრის „სრული უარყოფისკან“ მოუწოდა .
დღეს, მედიისთვის გაგზავნილ განცხადებაში, თალიბებმა მოსახლეობას შეახსენეს, რომ 5 აპრილს დაგეგმილ არჩევნებში მონაწილეობით საკუთარი თავი საფრთხეში არ უნდა ჩაიგდონ და კენჭისყრის პროცესს მათ „ამერიკული შეთქმულება“ უწოდეს.

აღნიშნული განცხადება საპრეზიდენტო არჩევნებამდე თალიბების პირველი ოფიციალური მოწოდეებაა ძალადობის მუქარით.
ავღანეთის მთავრობას ამ მუქარასთან დაკავშრებით ჯერ კომენტარი არ გაუვრცელებია.

საპრეზიდენტო არჩევნები გადამწყვეტი ტესტი იქნება იმის გასარკვევად, თუ რამდენად შეძლებს ოფიციალური ქაბული სტაბილური პოლიტიკური გარდამავალი ეტაპის განხორციელებას მას შემდეგ რაც ავღანეთს წელს ნატოს სამხედრო შენაერთები დატოვებენ