ავღანეთის ახალი პრეზიდენტის აშრაფ ღანის ინაუგურაციამ სროლისა და აფეთქებების ფონზე ჩაიარა. ინაუგურაცია ქაბულში პრეზიდენტის სასახლესთან გაიმართა და მას ათასობით ადამიანი დაესწრო.
ავღანეთში დღესვე კიდევ ერთი, არაოფიციალური ინაუგურაცია გაიმართა. ქაბულში აბდულა აბდულამაც იზეიმა გამარჯვება, რომელიც მოქმედი პრეზიდენტს აშრაფ ღანის მთავარი მეტოქე იყო და არჩევნების შედეგებს არ აღიარებს.
არჩევნები ავღანეთში 28 სექტემბერს გაიმართა თუმცა შედეგები რამდენიმე კვირის წინ გახდა ცნობილი. დათვლილი ხმების 50.64 პროცენტი აშრაფ ღანმა მოიპოვა, კონკურენტმა აბდულამ კი დაახლოებით 40%.
Facebook Forum