ამერიკელი გენერალი სტენლი მაკკრისტალი ავღანეთში დისლოცირებული საერთაშორისო სამხედრო კონტინგენტის მთავარსარდლის მოვალეობის შესრულებას შეუდგა. დღეს ქაბულში გენერალმა ოფიციალურად გადაიბარა ეს თანამდებობა. მან განაცხადა, რომ საერთაშორისო კონტინგენტის ჯარისკაცები დიდი სიფრთხილით იმოქმედებენ. მშვიდობიან მოსახლეობას შორის გამოწვეული მსხვერპლი ავღანელებსა და უცხოელ სამხედროებს შორის დაძაბულობის არსებობას უწყობს ხელს. ზემოთქმულიდან გამომდინარე შეერთებული შტატების პრეზიდენტმა ბარაქ ობამამ ამერიკისა და ნატოს სახმედრო შენაერთებს ავღანეთში მოქმედი სტრატეგიის შეცვლა მოსთხოვა.